【now.com】關楚耀（Kelvin）最近密密操fit練大隻，準備一個月後的《關楚耀BREAKOUT演唱會》澳門站，以最佳姿態示人。第一次衝出香港有個人演唱會，Kelvin十分重視，而且心情興奮，演唱會又請到陳曉東、孫耀威等做嘉賓，Kelvin又話嘉賓都是他逐一自己邀請的，他說：「孫耀威係我好兄弟，大家同一間公司，一直俾好多意見我，所以私底下變成老友。他的經典歌我都好喜歡，第一次衝出香港開騷當然不少得佢！」而Kelvin偶像陳曉東有機會同台演出，Kelvin仲話相當期待：「一直夢想跟陳曉東同台演出，今年年頭特地去了澳門威尼斯人睇寶麗金演唱會，又係台下一路跟住陳曉東唱，幻想自己能夠係同一場地跟他合唱。如今有機會，所以親自邀請佢，多謝他專程飛嚟做我演唱會嘉賓，好期待！」
關楚耀（左）一直都想同陳曉東合唱，下月演唱會就有機會啦！
同關楚耀好兄弟的孫耀威（左），演唱會嘉賓點少佢得呢！
