【now.com】EO2成員彭懷安(Eddie)日前「偷食」又斷正,被影到與長腿索女買白酒兼上對方屋企過夜,雖然當事人強調只是送女方回家,但多次為他偷食解畫的未婚妻朱慧敏(Quennie),今次明顯忍夠。
對於Eddie只在網上發文向她道歉認錯,她直斥「潛水」是不成熟表現,更大爆兩人早已冷戰一個月,並指已非首次發生同類事件,決定將婚事延期。
昨日Eddie終於「蒲頭」接受周刊訪問,低聲下氣認錯,稱希望可以如期迎娶女方,不過在訪問中離奇發表聲明,勸一眾女性朋友:「所有女士真係唔好搵我送返屋企,公司同事除外,免得有其他不必要嘅誤會。」將罪名推到女性朋友身上。
昨夜,有記者特地到Eddie大埔寓所外追訪,他表示已和Queenie聯絡,並獲對方原諒,又澄清兩人因籌辦婚事有爭執才會冷戰一個月,之後的事會以未婚妻意願行先,但自己會努力補救,希望婚禮繼續舉行。未知向來包容男友的Queenie今次會否心軟原諒Eddie呢?