【now.com】第68屆康城影展將於香港時間周四凌晨起，一連11天於法國舉行，由張家輝自導自演的最新作品《陀地驅魔人》亦會參與這盛事。
其海報及宣傳單張今日首度曝光，家輝以戲中的白頭髮及曼陀羅紋身造型現身，霸氣十足。而宣傳單張中亦見家輝跟爛面鬼近距離對峙，而且鬼樣嚇人，令人心寒。
家輝為了海報能夠如期出爐，在煞科宴後便馬上找來美術指導奚仲文等人到影樓開始海報拍攝工作。《陀地驅魔人》是家輝第二部自導自演的作品，在製作上眾多範疇也高度參與，除了拍攝海報除外，他說：「拍海報我就唔擔心呀，因為奚仲文先生喺度嘛，我使乜驚呀？可以交低到嘅嘢就交㗎喇，自己孭唔起咁多！」
至於兩次自導自演皆以鬼作為題材，家輝坦言：「我鍾意睇鬼片，但其實又好怕呢味嘢，但我覺得近年合拍片年代，香港純鬼片買少見少，我就任性啲，想重拾返呢一樣香港曾經好成功嘅題材。」
家輝跟爛面鬼近距離對峙的場口。
爛面鬼的妝容明顯有花過心機。
海報拍攝現場。
為了海報能夠如期出爐，家輝在煞科宴後便馬上開始海報拍攝工作。
