【nowTV】nowTV《102觀星總部》與藍潔瑛的專訪，在最後一部分，問到她現時生活，藍潔瑛亦樂意公開她的世界。以下為訪問重點：
梁：梁榮忠 藍：藍潔瑛
梁：好多人覺得你有啲嘢我哋冇法明白，同我哋好有分別，你想唔想講吓？
藍：因為娛樂記者嘩眾取寵，非常之冇傳媒良心，非常之冇公眾良心，非常之冇公德心、非常之冇道德。
梁：有冇家人朋友分享你睇法？
藍：成日打畀家姐，不過一打就飛去錄音，佢兩個仔女有畀佢手提電話同email我。對上一次見兩年以上，喺醫院佢去探我，買嘢畀我食。
梁：想唔想同佢哋傾吓偈？
藍：想㗎。
梁：朋友呢？
藍：都有㗎，唔多。
梁：有咩話題？
藍：煮啲嘢大家食吓。
梁：生活上經濟呢？
藍：攞綜援囉，有個講國語嘅朋友每個月比幾千蚊我。
梁：大家有咩幫到你？
藍：真係唔知喎。
梁：你想唔想復出？
藍：復出？想，點解唔會？
梁：做返演員？
藍：做演員啦，唔通要我寫稿？
梁：有冇咩角色想做？
藍：冇呀，冇乜特別。
梁：其實大家最想你開心。
藍：最緊要健康，內心喜悅緊要過開心。
