【now.com】為了宣傳由王宗堯、張建聲主演的電影《壹獄壹世界 高登闊少踎監日記》，電影公司破天荒舉辦招募「監躉」大行動，邀請市民體驗踎流動水飯房。
首位入囚車的19歲女參賽者馬嘉韻（Mars）已成功捱過3日，贏得獎金$8,000港元，大前日由28歲的男參賽者Kento接力，挑戰7日全天候直播的踎監之旅，成功的話將有2萬蚊港元。昨日，一班演員包括王宗堯、張建聲、林芊妤（Coffee）、唐貝詩、張松枝等人特地「探監」，Kento表示如果可以多與途人互動，時間會較易過，仲講笑話：「因為第三日已經開始成面鬚，可能吸引力大減。」
同樣想體驗「階下囚」生活的人何止Mars和Kento，有見及此，昨日一班演員在旺角舉行大型招募監躉面試，吸引過千人到場「見工」。問王宗堯的評審準則，他表示：「希望參加者有才藝表演同埋發癲嘅時候，因為全程24小時直播，最好有啲出乎意料之外嘅表演」。
Coffee則嫌獎金太少：「我都想見到女仔參加，不過擔心沖涼同去廁所嘅問題，又驚瞓覺時條街黑媽媽同有變態佬，如果坐7日有10萬就ok！」
首位坐完3日監的張建聲就以過來人身分提醒參賽者：「我坐到跳制咁，喺裏面幾日都食唔到嘢，要食流質食物，輕咗5磅。 建議參加者要保持正能量，如果唔係好易癲，會崩潰！」
適逢昨日是母親節，一眾藝人更派發玫瑰花予圍觀市民。
近千市民排隊「見工」，霸了整條旺角街道。
一眾演員為參賽者面試。
王宗堯（右）與唐貝詩（左）。
Coffee不願為錢坐監。
（左起）王宗堯、吳志雄、張建聲。
