【now.com】浪子填詞人潘源良最近除了忙住籌備6月19、20日在紅館舉行的「最愛潘源良是誰作品展」，早前他與林姍姍為商台一個音樂劇場「我的名字叫浪子」錄音，該劇明天起一連播出５集。
故事是講述一個叫阿潘及阿Jane（珍）的愛情故事，由潘源良親自編寫，阿珍的角色難免令人聯想起其女友李麗珍，不過潘源良表示角色純屬虛構。與潘源良份屬廿多年老友的姍姍笑言：「今次係為咗好朋友一口應承，點知就咁樣『落搭』，因為後來先知係錄愛情故事，淨係得我同佢錄，嘩！仲要係同浪子談情喎！其實講起情史，我真係想問佢點解當年佢冇追過我呢？佢剩係寫咗一首歌《也許當時年紀少》畀我咋。」
潘源良即笑話：「佢唔記得啫，我唔止寫一首歌畀佢，仲有一首架，我唔追佢？佢晨咁早就拍緊拖，未畢業就拍拖，仲好講添！」他一直被人稱做浪子填詞人，問到在李麗珍心目中他是否個浪漫的人？他笑說：「我諗都OK，如果唔係點可以一齊咁耐，有時適當時候都要氹吓佢，又或者會一齊計劃啲嘢，我哋嘅生活情趣係玩狗，因為隻狗仔真係好鬼過癮！」
