【now.com】羅力威前日到位於禁區內的打鼓嶺嶺英公立學校出席校園活動，羅力威一登場，成班學生就興奮大叫：「我喺電視見過佢!」令他即時尷尬面紅。可惜小朋友似乎未聽過他的歌，當他自彈自唱時，台下學生聽得一頭霧水。不過羅力威十分識做，馬上彈出多首經典兒歌，還叫台下學生估歌仔，成班小朋友即時生猛晒！
到了問答環節，有小學生舉手發問:「你覺唔覺得自己老咗?」主持人即時反問該學生:「你覺得威威哥哥靚唔靚仔？」他一面童真回答: 「OK啦！」羅力威追問:「咁邊個最靚仔？」小學生斬釘截鐵咁話:「我爸爸！」如此率真的反應令羅力威深深感受到小朋的童言無忌和不造作。
臨走時，向來是師奶殺手的他吸引到6個小女生嚷著要和他合照，在學校門前大合照後，羅力威笑言自己變了「六個小孩的歌手」。
