【now.com】第三十四屆香港電影金像獎最佳男主角 ：劉青雲《竊聽風雲3》
楊千嬅帶著《五個小孩的校長》的5位小朋友出場頒影帝，她請5位小朋友選出心水，有3位都揀劉青雲，大讚他靚仔、好靚仔同好型仔，令台下青雲尷尬得掩面遮醜。結果，一共入圍金像獎最佳男主角16次之多的他，終於再嘗金像獎影帝滋味，是他自2007年後再奪影帝！恭喜恭喜！
青雲從小朋友手上接過獎項，他笑言：「多謝你哋，讓我知道我終於有番啲女性觀眾，但你哋肯定冇認錯我係古天樂？」他多謝家人、工作伙伴，特別點名多謝太太郭藹明，台下的郭藹明一聽到自己名字已淚流滿面，青雲也強忍淚水說：「多謝我太太，女性觀眾鍾意聽。每次我揸太空船飛咗去宇宙唔知邊到時，你總有辦法令我安全返來地球。」冧爆宣言相信會令他又再多一堆女性觀眾！
劉青雲的謝詞感人。
被頒獎的五個小孩盛讚「靚仔、型仔」青雲掩面扮怕醜。
由五個小孩頒獎，場面可愛。
劉青雲太太郭藹明亦感動落淚。
提名名單：
彭于晏《黃飛鴻之英雄有夢》
劉青雲《暴瘋語》
黃渤《親愛的》
吳彥祖《魔警》
劉青雲《竊聽風雲3》
