【now.com】《赤道》導演梁樂民和陸劍青對於紅隧以「政治敏感」為由，拒登廣告一事十分不滿：「拍呢部電影其中一個要傳達嘅重要訊息係居安思危，究竟香港係咪好似市民大眾認為咁安全？香港作為自由開放國際城市，享受自由帶嚟嘅繁榮，同時亦方便咗一啲情報往來，恐怖份子喺香港進行地下活動並非純粹電影橋段，絕對有機會發生。隧道公司以政治敏感拒絕我哋設計，正好反映出大部分人對社會冇危機意識。我哋對隧道公司保守嘅審查準感到無奈、遺憾，唯有喺其他媒體投放廣告，帶出呢個訊息。」
余文樂同意廣告字句令人不安，但有反思作用。
有份主演的余文樂就大讚廣告夠創意，他說：「我喺報紙到見到個廣告，當然令人好不安啦！仲諗咗陣香港係咪真係安全？原來呢個係《赤道》廣告，好有創意喎！」他續說：「呢部戲題材好特別，好少人諗到香港有可能發生戲中入面嘅事，依家世界各地都發生過恐襲，香港實在係褔地，因為冇發生過類似事件。」
余文樂（左）和張學友（右）。
