0
0
現場實況:衛蘭🎤圓夢與陳奕迅同台對唱 尾場jam《K歌之王》引尖叫聲🔥Eason開心聽Janice自封獨立歌手😄搞笑飆韓文打招呼🇰🇷JW孖老公王至尊首合體💑 「雙J」唱《男人信什麼》掀回憶殺|Viu1現場實況

現場實況:衛蘭🎤圓夢與陳奕迅同台對唱 尾場jam《K歌之王》引尖叫聲🔥Eason開心聽Janice自封獨立歌手😄搞笑飆韓文打招呼🇰🇷JW孖老公王至尊首合體💑 「雙J」唱《男人信什麼》掀回憶殺|Viu1現場實況

【Viu】話咁快Janice衛蘭嘅四場紅館騷《衛蘭OUT OF FRAME世界巡迴演唱會》今晚尾場!尾場搵嚟Eason陳奕迅擔任嘉賓,見康堤專程嚟撐Janice同Daddy,果然有Eason嘅地方就有康堤!Eason同Janice背對背面咁升上台,一出場就引全場尖叫,勁震撼!

首次同台對唱嘅二人一嚟先合唱《講男講女》,Janice開心話等咗呢個機會好耐,佢哋又笑話平時私下係用英文溝通,但依家要逼住講廣東話,畀佢哋笑死!Eason透露事前有同Janice一齊去音樂總監嘅屋企練歌,然後就直接上台jam歌勁好feel!

Eason又話有loop爆Janice嘅《It’s Okay to be sad》,即被起哄唱返兩句,唔知Eason有冇就範?當笑談Janice係菲韓混血兒,Eason笑以韓文同Janice打招呼,咁好笑得唔得㗎?開心聽到Janice以「獨立歌手」介紹自己,最後祝願對方喺唱歌路上發掘更多!然後佢哋自行encore加唱《K歌之王》,令Janice圓夢同原唱合唱!

去到個騷後段,Janice拍片剖白做獨立歌手嘅心情,自爆離開舊公司嘅兩年感到迷惘!而今晚嘅「環場360」,同Janice對唱嘅特別嘉賓就係好友兼前同門歌手JW王灝兒!「雙J」合體就梗係合唱《男人信什麼》啦,係全場嘅回憶殺,紅館秒變大型K房!之後Janice再唱埋經典金曲《大哥》,仲有《The Best Version of Me》!

JW更係首孖新婚老公王至尊現身公開場合,呢位王太一見傳媒嗰陣護夫心切,搞笑想用身體幫老公擋住鏡頭,但最後王氏夫婦都大方合照嘅,王至尊甚至變成小fans,喺「雙J」對唱嗰陣,全程幫老婆拍片,sweet到爆呀!另外嚟撐場嘅仲有Kiri T、Nancy、關心妍、陳明熹等!依家先去實況片聽歌!

  1. 更多