【Viu】Sammi喺啟德答謝會尾場嘅尾聲分享今次籌備嘅困難，因為舞台部件問題而要冇晒所有機關，好似「剝光豬」一樣，多得公司上下眾志成城完成創舉，仲自爆增磅後升Cup不少，連Bra都要買過晒！阿Mi最後以《終身美麗》作結，仲再三叮囑觀眾要Keep住張飛再睇正場！
完騷後，Sammi受訪話今次答謝會嘅反應超乎想像咁好，令自己有中六合彩頭獎嘅感覺。Sammi直言唔太清楚技術問題，亦唔知損失金額，但認為安全遠比金錢重要，好彩老闆同自己想法一致！至於幾時可以補開呢？阿Mi都有心水日子㗎喇！
Sammi又多謝劉德華同黃子華兩肋插刀做嘉賓，咦？咁老公許志安呢？阿Mi就尷尷尬尬話：「自然啦！」咁會唔會喺10月做返安仔紅館個唱嘉賓呢？Sammi就咁答喇！想知就睇足本訪問啦！
