【Viu】Sammi鄭秀文一連三場「答謝會」今晚喺啟德主場館舉行尾場，甫開場Sammi換上新裝跳唱《叮噹》同《Chotto 等等》，誠意十足，仲話嚟到尾場仍然好精力旺盛，又搞笑話：「撞鬼咯！越老越旺盛！」其後Sammi登上花車繞場一周，獻唱《衝動點唱》同《熱愛島》，High爆全場！
尾場特別嘉賓梗係份量十足啦！就係子華神aka歡哥，子華神仲度咗15分鐘棟篤笑嚟笑談「答謝會」，又笑Sammi戇居，皆因呢個製作根本係演唱會，仲即席叫全場觀眾「回水」，又率領大家為呢單「合約糾紛」寫包單：「我哋一定唔會淋紅油！」橋王果然名不虛傳！
雖然子華笑指淨係會表演除眼鏡，但最後都化身「歡哥」自彈自唱親自二創嘅《終身美麗》，笑爆呀！想睇「歡哥」同「Vi姐」再合體，子華神又點樣踢爆阿Mi嘅「金錢觀」，大家記得睇現場實況喇！
