【Viu】ViuTV全新綜藝節目 《8點直樂 VIURIETY》嚟到Tuesday係愛情配對日《The Choose Day》！由COLLAR嘅Marf、Ivy So擔任邱比特，而Gao、Winka、Candy、芯駖就變身閨蜜團畀愛情意見，惟Day因屋企有事未有出席！
身穿型爆西裝look嘅COLLAR，一出場就唱《Speak Love》送愛，之後再唱埋《Riding High》炒熱現場氣氛！事後六女表示參與個半鐘嘅live show既刺激又緊張，問到有冇試過參加speed dating嗰陣，其中有一位成員自爆試過被朋友叫做媒，最後有冇去？係邊位成員？
對首次嘅配對，Winka、Gao睇到極之投入，喺公布結果嗰陣肉緊到掟咕𠱸 ，超爆笑！Marf認為配對呢件事好青春，唔知佢哋私下有冇成功撮合過朋友？之後Marf再笑言可以先幫Candy介紹對象，Candy又ok唔ok？佢有咩擇偶條件？聽日（20日）拍新歌MV嘅佢，搵男主角有咩準則？Ivy So、Candy會分別叫自己嘅細佬、哥哥參加配對節目？
而Ivy So就透露已拍咗第二首歌嘅MV，男主角身高有180以上，仲有挨心口嘅親密互動兼濕身，咁堅？至於講到有fans疑為影Ivy So嘅巴士車身廣告而發生交通意外，Ivy So表示知道嗰陣有嚇親，曾嘗試了解受傷fans問候，強調希望fans追星時要注意安全！
啱啱喺英國拍完綜藝嘅Gao，向提早離開嘅Ivy So開心share後半part嘅拍攝點滴，但最搞笑都係自嘲一日肥過一日，臨走有埋food baby添！而喺劇集《IT狗2.0》同Lokman湊成一對，當中又有咩趣事？另外，談及193連日stay喺巨型玻璃屋入面，Candy話有睇193嘅live，但就冇去探望，又妙答會唔會搵193拍MV，想知就去片啦！
