【Viu】《GRASSHOPPER THREE IN LOVE 草蜢演唱會2026》頭場今晚開鑼，兩大美人李嘉欣、關之琳捧場，李嘉欣同老公許晉亨仲人到花到，當3子獻唱《半點心》時，傑少仲專誠同嘉欣握手，So Sweet！
Encore時，草蜢送上《華麗舞台》，獻唱《世界會變得很美》之際，嘉賓Eason緩緩升上台合唱，全場尖叫聲震天！期間Eason自認係草蜢Fans，仲話本來想拎成堆碟嚟簽名咁話，真鐵粉呀！Eason又親解同草蜢三子嘅緣份，仲自爆一度嬲咗蘇志威：「因為你搶咗劉小慧！」仲被踢爆細個時喺屋企貼過劉小慧海報，笑爆全場呀！
其後Eason再度「吹神」上身分享揀歌過程，仲清唱咗幾句當年由蔡一智監製嘅《快高長大》，最後仲同草蜢齊齊跳唱《第五個現代化》x《一秒轉機》，High爆全場！
最後草蜢送上經典歌《寶貝對不起》、《半點心》、《失戀》，再以《飛躍千個夢》作結，超好睇呀！此外，其他捧場嘉賓包括黃子華、金燕玲、張智霖、袁詠儀、陳小春、謝天華、林曉峰、顧紀筠等；「三大天王」劉德華、張學友、郭富城、成龍、謝霆鋒等則送上花籃。
