【Viu】導演伊迪高安怡迪同男神梁朝偉今日出席《寂靜的朋友》首映，偉仔分享點樣用心準備神經科學家一角，除咗真讀書外，仲請咗英國人嚟訓練英國口音，直至今時今日都仲未抽離到角色，仲睇緊科學相關書籍，猛呀！
偉仔又話今次同導演伊迪高安怡迪合作獲益良多，加上係小型製作嘅獨立電影，好有挑戰性，其中一場戲要對住百幾個學生「講經」，因為單機拍攝而take咗50幾次，有一兩次甩咗一句半句台詞，自覺好醜怪呀！
偉仔表示太太劉嘉玲已經睇咗《寂》片，激讚好睇，希望香港嘅觀眾都會鍾意。佢仲講返喺韓國宣傳嘅心心放題唔係「被迫營業」，又自爆野生捕獲熱點，想睇「I Max」偉仔有幾Cute就睇足本訪問啦！
