【Viu】《足球女將2：終極一戰》昨日（5日）舉行，螢花女足vs標準流浪女足上演咗一場精彩賽事，雖然螢花女足最終以2:4落敗，但終於取得「零的突破」，下半場由隊長樂琳包辦兩球入球，其中一球仲係12碼，型到裂呀！螢花女足最後仲同教練團隊冒住黃雨衝出球場兼瞓草地，證明「落雨又有乜好怕喎」，成件事熱血到爆呀！
「Kathy仔」王頌恩、郭思、Rose Ma馬俊怡同Vian連家穎異口同聲話見證螢花「零的突破」即刻哭咗，仲分享返比賽嘅難忘事，Vian仲要撞到M到第一日，都咪話唔甘呀！Kathy仔講到男友Dixon黃奕晨嘅支持即刻冧滋滋；郭思同Rose Ma就話見到S1隊友嚟撐場好滾動，仲高呼：「螢花千秋萬代！」
至於為螢花開齋嘅樂琳亦講到眼濕濕；而今場賽事MVP凱程就話見到Wingki羅詠琪獲頒今季MVP仲開心過自己得獎，超有愛呀！
當然唔少得技術總監郭嘉諾、主教練盧均宜、助教蘇家豪同領隊馬啟仁講返螢花嘅表現啦，真係有笑有淚㗎！最後睇埋「廿四孝男友」Dixon被「阿妹」岑樂怡踢爆同Kathy仔嘅相處趣事，想同螢花又笑又喊就睇足本訪問啦！
