【Viu】Philip伍允龍、岑珈其、谷祖琳、陳茂賢等搖身一變成導演與監督，現身「AI短劇發佈會」以AI短劇重塑美亞經典IP！其中Philip、岑珈其指升呢AI短片導演，開心可以喺內容上天馬行空發揮創意，學陳導話齋，終極目標係將AI內容拍成真人電影！
岑珈其執導作《生化壽屍2026》，自認係《生化壽屍》嘅忠粉，所以可以重塑到呢部經典作都好開心！睇trailer見有男主角為人父，佢話係有少少投射到自己落去，又笑嘲主角比自己靚仔！再寫劇本嘅話以六膠為藍本？
陳導透露手頭上已經寫好咗一個劇本，亦有投資者，希望今年可以開拍，跟住落嚟就係casting，更揚言邀岑珈其、Philip參演添！早前Stanley@MIRROR表示陳導邀請佢去編劇會春茗，陳導坦誠希望搵到大表哥演出啦，又公開話好欣賞對方，春茗嗰次係畀佢一個甜頭！係人都知大表哥高大靚仔、副body又爆肌，會唔會設計一個反差角色畀佢？
Philip喺IG出post開心話會推出1:6嘅「王九」figure，又公開爭取要兩隻，送一隻畀女朋友Renee，so sweet！至於岑珈其就忙於排練舞台劇，連老婆桂玫正日生日都要綵排，有冇同老婆補慶祝先？Sica喺綵排嗰陣係最癲喪？邊個成日焗蟹？另外，陳導今年係咪繼續盲撐老best衛詩雅攞金像獎女配？依家即刻睇足本訪問！
