【Viu】Philip伍允龍今晚單拖欣賞拳賽，笑指女友Renee因為早已約生日飯局，所以未有同行！講返Philip喺月中度過48歲生日，收咗Renee咁多surprise，喺時候「回禮」？會唔會趁機求婚？Philip又話見到日本fans為佢準備嘅大型廣告牌surprise好難忘，事後有盡力覆返fans，咁不如遲吓搞個日本fan meeting面對面多謝fans？參與《膠戰S4》有咩趣事？
有關《九龍城寨·終章》嘅籌備進度，Philip一率答未收到任何消息，不過佢就透露「王九」會再現身，咁使唔使練定王九笑先？對近日有幕後爆料指《風林火山》有場絞刑戲份，竟然要武師做替身「真•吊頸」，問到亦有擔任武指嘅Philip有何看法？佢表示唔了解現場情況難以判斷，但喺設計動作嗰陣重點着重安全、效果！
Deep吳浩康則帶埋老婆Margiela郭思琳嚟觀賽，指睇拳賽係兩公婆嘅共同嗜好，特別係鍾意喺食飯嗰陣睇！至於講到3歲仔仔撐撐嘅喜好，佢哋話撐撐啱啱上咗一堂跆拳道，另外又鍾意跳舞，興趣多多！對於日前被網民喺凌晨時分DM騷擾，Deep話公開電話for報名學唱歌成十年，都係第一次收到呢啲古怪message，問到Deep會唔會收起返個電話？佢竟然自爆因為呢件事而獲得大禮！
同樣有關網上評論嘅仲有最近被友台節目學員炮轟，Deep則話冇留意，講到好友Yumiko留言幫拖，佢亦表示冇留意，抵死笑話只有留意到對方「斷崖式衰老」新聞！而有關拖糧、腳傷二事，Deep都有回應！另外，同場仲有龐景峰同女友劉溫馨、日本DJ兼前AV女優濱崎真緒、陳安立、李綺雯同男友梁愷傑等！快啲去片睇足本訪問啦！
