【Viu】MC張天賦今日為馬季開鑼日做表演嘉賓，第二次喺馬場表演嘅佢，已經冇咁緊張，亦慶幸表演時唔算橫風橫雨！笑指佢喺主禮儀式時同一班騎師排排企，自信心當堂「高咗」，MC就笑認好開心，仲話細細個有諗過學騎馬，甚至挑戰盛裝舞步，但係因為唱歌係免費，所以揀咗唱歌，喂呀！咁True得唔得㗎！
講到日前喺澳門頒獎禮獲獎，MC自言見到一班前輩巧緊張，即刻收臉咗鬼馬本色，仲話好開心同師姐薛凱琪見面，雖然唔夠膽向對方求合唱，但獲師姐讚皮膚好已夠沾沾喇！
此外，MC預告正積極籌備另一新碟，可惜身形管理方面仍未達標，明明自覺瘦咗，點知磅數完全冇下降，仲搞Gag用一樣嘢去形容自己嘅減肥「樽頸位」，想知就睇足本訪問啦！
