【Viu】Marf@COLLAR以型格造型現身時裝展，而呢日佢仲有個重要任務，就係會壓軸出場任表演嘉賓，所以佢話都好緊張！談及COLLAR各好姊妹嘅fashion sense，Marf謙稱若然係套用喺自己度嘅話，會自投第一名！咁如果揀一位好姊妹交換衫着會揀邊個？相反，Marf笑話唔係太想同Winka交換衫着，點解呢？
每次喺IG post同媽咪嘅合照，Marf都會勁沾沾收到海量大讚媽咪好後生、似兩姊妹嘅comment，指媽咪都做過時裝行業，由細到大有被媽咪train對時裝嘅觸角，兩母女到依家都keep住交換衫着，關係超好！
Marf早前受訪透露COLLAR嚟緊會再有表演，原來就係講緊10月頭舉行嘅WATERBOMB！鍾意玩水嘅Marf直言超期待，暫時為一concern嘅就係髮型部分，驚7位仙女突變女鬼！衣着方面會唔會行性感路線？
過多幾日就係男朋友Locker嘅生日，Marf偷偷透露有準備surprise，希望大家一齊許願有好天氣！試當真白金像獎舉行在即，Marf有冇信心Locker可以攞影帝？兼睇唔睇好男友贏古天樂拎新人獎？
另外，同場「黃Sir」力臻上身單着西裝褸，中門大開勁騷爆肌body，好sexy喔！佢話早前上「THE FIRST TAKE」前身體抱恙，去咗針灸篤手指放血，唔知有冇一個穴位篤咗之後會做到更爆肌效果？滿唔滿意自己喺TFT嘅表現？問到有冇吸納咗啲日本fans嗰陣，力臻大笑話有好多人認錯佢係志尊淳，佢又覺得似唔似呢？快啲去睇足本訪問啦！
