【Viu】Tiger@MIRROR今日首次參與時裝展，數到喺團中嘅fashion sense排名，佢謙稱排最尾，因為佢笑話可以每日都着同一款衫；而問到頭三甲位置嘅成員，Tiger就噏咗4位兄分嘅名出嚟，估唔估到係邊4個？
鷹小組日前順利舉行MIRO見面祭，虎仔話依家諗返起都有好多個好深刻嘅moment，感覺同小虎隊有好多真誠能量傳遞，估唔到自己咁有影響力，最特別嘅一句係：「多謝你嘅出現！」令Tiger相當感動！除咗感性嘅部份，虎仔笑話都聽咗好多個土味情話，大讚小虎隊有創意呀！唔知Tiger有冇被影黑圖？會唔會加入「菲律賓老公」行列？對《IGNITED》數手指之謎又有咩見解？
講到唔少鏡粉敲碗開《W.T.F. Live 2025》Part 2，就連監製王雙駿都喺社交平台公開爭取，Tiger直言當然想開啦，許願宇宙粒子再碰撞！至於有關小組團綜，Tiger認同Stanley話二人變生死之交，上刀山落油鑊，咁有冇買重保險先？
繼Edan今朝出活動透露會有成軍7周年嘅慶祝活動兼即將有新團歌，Tiger接力再爆咗啲咩？跟手不得不提虎仔被爆係《ERROR大冒險》最大受害者，3粒鐘重複練講一句對答，但虎仔竟然話唔記得咗有件咁嘅事，莫非佢中咗Dee哥所講嘅「孟加拉效應」？嚟緊Tiger仲會有啲咩搞作？睇片等Tiger親口話畀你哋知！
