【Viu】Ronald鄭中基年中驚傳同余思敏離婚，其後雙方曾被拍到現身家事法庭，離婚消息因而被證實，今晚Ronald孖周秀娜、姜皓文現身新戲《阿龍》首映禮，被問到官司進度，Ronald表示交咗畀律師處理，多謝大家關心，指一對仔女依家幾好！對盛傳離婚原因跟前經理人何慶湘有關，問到Ronald有冇需要澄清？同埋點解會解僱湘湘？佢一率以「我哋今日講返電影」嚟避談！
電影幾經波折終於上映，三位不約而同都話好期待！重提Ronald喺拍攝嗰陣被污糟嘢「舔腳」，黑仔就話好彩冇發生喺佢身上！娜姐笑言最難忘係拍完第一日，膚色黑到似當地人咁，有冇咁誇張先？Ronald就自爆呢部戲係拍得最辛苦，每日都要節食、操肌，遲吓有冇機會再操返當時副弗到漏、48吋胸肌嘅靚body？佢又爆仔女好憎佢呢個skinhead look，點解呢？
黑仔呢期連續有兩套戲上映，佢開心話點都會分身謝票嘅！咁唔知會派咩福利呢？娜姐嘅話，福利係跳返part舞同影迷Let’s get wet？講到林峯9月開始走tour，娜姐會唔會跟住一齊演出？
同場有廿四味成員Brian專程嚟撐場，講到何超儀早前爆seed出post疑不滿佢談及陳子聰健康情況，不過事隔一日就del post，Brian指雖然睇到有少少唔開心，但雙方私下溝通發現只係誤會一場，大家仍然都係friend、仍然都會尊重！
