【Viu】Jay馮允謙今晚喺港台「第46屆十大中文金曲」頒獎音樂會擸5獎成大贏家，佢謙稱緊張到震，又爆近日跟營養師餐單減肥10磅再增肌，恨爆衫做筋肉人。Cloud雲浩影原來日前秘密入院，佢話身體有小毛病，不過就冧豬男友T-Ma 今朝幫忙辦出院手續，先趕得切嚟頒獎禮。提到欣宜傳已轉會？大家已唔係同事？佢哋就話唔清楚。
Gin李幸倪今晚再下一城攞埋「最優秀流行女歌手」大獎，擸晒3台大獎，佢表示圓滿，仲話要記得請同事食飯。講到師兄謝霆鋒早前忙演唱會都幫佢寫歌兼任監製，Gin稱用咗幾個月時間親自跪求。
至於VIVA同Arvin曾傲棐就分別奪「最有前途新人」銀獎同優異獎，VIVA早前推出成軍一周年團歌，仲搵嚟Tiger@MIRROR做MV導演，幕後功臣原來係花姐。Arvin又透露自己寫緊歌。想知更多？睇片搵答案啦！
