【Viu】電影《做個有錢人》今日舉行首映禮，吳肇軒 aka Threads管理員一個救全家現身宣傳！講到佢喺戲中同張繼聰係buddy，吳肇軒笑話自己萬萬都估唔到可以同阿聰做到中學同學，所以覺得好榮幸，呢句說話暗示住啲咩先？
吳肇軒再話喺阿聰身上學識咗好多嘢，例如拍喜劇嘅概念，問到佢同阿聰邊個好笑啲？毫無懸念吳肇軒就一定係揀阿聰嘅！咁唔知佢喺拍嗰陣接唔接得住阿聰啲爆肚？
數到拍攝趣事，吳肇軒話必提佢喺馬來西亞連環撞邪喪換酒店房，最後仲換埋酒店添！唔通畀鬼搞？而呢件事更令佢上埋當地各大報章，甚至係上埋大電視，咁啱得咁橋，部大電視壞咗，所以吳肇軒個靚仔樣就卡足兩個月，無論報啲咩新聞都係吳肇軒個樣，胡子彤成班兄弟仲走咗去打卡，呢單嘢堅係好笑！
至於提到佢喺Threads度講笑話tag咗老友陳家樂，內容係話個老婆冚咗老公一巴，因而鬧出家樂被「家暴」，究竟呢件事嘅來龍去脈係點？吳肇軒喺拆呢單嘢同時，再爆家樂係好怕老婆？呢句又係唔係真話？
同場嘅徐偉棟就話係專程嚟撐場，又透露拍咗幾部戲未上，希望今年內可以同大家見面！事業得意，愛情上都得意？同姚子羚段「姊弟戀」有咩進展？徐偉棟笑笑口自稱仲係單身，繼續係同女方了解中，要再畀心機工作，慢慢嚟喎！咁仲差啲咩先一齊？噚日「520」又有冇啲咩表示？想知徐偉棟點答就要睇足本訪問啦！
