【Now.com】今天是中秋節，每逢佳節倍思親。本月初病逝的「一代大俠」徐少強，他的女兒徐頴堃發文回憶三年前的中秋，第一次收到爸爸送的月餅，她亦禮上往來，熬了湯給爸爸，不料也是最後一次。
徐頴堃是徐少強和雪梨所生的女兒，今天中秋，她在社交平台發文，回憶剛於月初離世的爸爸，三年前送她月餅，兩父女的一段對話：
「來電顯示：大俠爸爸『一陣一齊食飯啦，有啲嘢攞俾 (畀) 你。』心諗：爸爸送咩俾 (畀) 我呢？一到食飯，爸爸隨意攞咗一個迷你月餅出嚟。『今日中秋，意頭。』
這個特別的時刻，徐頴堃提議「我哋影幅相留念呀！」徐少強就疑惑「有咩好影呀？…（心虛）其實係劇組送但食唔晒，所以攞舊 (嚿) 俾 (畀) 你！」
徐頴堃直言「It's ok 係你人生第一次送月餅俾我，所以特別珍貴。」她亦非常孝順，親手煲湯給父親品嚐，「為咗表示回禮，我煲咗湯俾 (畀) 你飲。」她還記得當時「爸爸嘗試掩蓋他那見牙不見眼很甜的笑容。我遞上熱湯，你不作一聲地喝了一口，『幾甜喎。』徐頴堃就說，『係好甜呀 Daddy！因為係我煲㗎！』」
這段簡單的對話充滿溫馨和親情，徐頴堃標示這是2021年的中秋，是第一次收到父親徐少強送的月餅，而她就是第一次煲湯給父親喝，可是這亦是最後一次。
80年代武俠片巨星徐少強9月1日在北京因食道癌離世，終年73歲。已婚的徐少強在80年代與雪梨發生婚外情，兩人有一對子女徐頴堃和徐偉棟，他們先後加入娛樂圈，徐頴堃曾於2011年的溫哥華華裔小姐競選中奪冠。
Photo / IG@ericacwk
