【Viu】Anson Kong早前推出新歌《偽映畫預告》，搵嚟Jay Fung齊齊作曲，老友Oscar填詞兼做埋MV導演，透過串連一系列經典電影，陪大家「談情說愛」，咁有Gimmick，難怪AK覺得今次係成就解鎖啦！
既然新歌講愛情，不如等AK分享吓愛情觀啦，擁有「鋼鐵直男」外表加性格嘅佢，估唔到都幾浪漫㗎，試過DIY驚喜畀心儀女生，之但係過程浪漫得嚟都係偏向搞笑嘅，成件事非常之AK！至於映畫戲，唔少MIRROR成員都有經驗，如果AK做導演的話，又會安排啲咩角色畀好兄弟做呢？
除咗同Jay Fung夢幻Crossover係成就解鎖外，即將喺月底舉行嘅處男solo con，同樣係AK嘅夢想之一，一直堅持追尋表演夢嘅AK，喺過程中經歷咗幾多辛酸同挫折？等老闆同大家一一細訴啦！
