【viu】COLLAR成員Ivy So、阿正、麗英同Gigi張蔓姿今日喺主題樂園宣傳配音動畫《玩轉腦朋友2》，喺酷熱天氣下現身花車巡遊，沿途玩得巧開心呀！
Ivy噚日喺社交網站報喜，成功考到車牌，仲要係棍波，梗係沾沾啦！除咗想挑戰揸旅遊巴同貨車外，仲想同Gao、Candy三個「P牌仔」一齊開個節目，有得諗喎！阿正聞言都話想考車，但目前最叻「揸流攤」，又大讚「爺爺」岑珈其手車最穩，Edan部車就比較逼。講到Gigi揚言要「共享Jeffrey」，阿正爆笑話：「大逆不道！但Jeffrey係世界的！」仲話好羨慕佢同孔劉合照，希望可以掹Jeffrey衫尾同「最愛」朴寶劍集郵啦！
至於麗英直認有公主夢，希望同「I」字頭王子一齊遊園，仲預告已經有飛睇演唱會喇！想笑餐飽消吓暑，記得睇足本訪問喇！
