【Viu】兩位唱得之人Jer柳應廷同MC張天賦將會喺8月底合作開騷，佢兩位都係造星出身、入行前經常Busking、懂得玩結他、唱歌音域與曲風類同，當得悉有機會合作，Jer即話好期待，相信實有火花，而MC亦讚Jer係佢最想合作嘅頭兩位之一，兩個互相稱讚，咁究竟會有咩火花？Jer幻想：「好似擂台上面較量嘅感覺，好似兩個Fighter，鍛鍊咗一身武功，到時去到擂台會All In攞晒出嚟。」MC就話：「好似音樂會海報咁一黑一白，大家去做一個拉扯或者對抗，甚至喺台上面一齊玩樂器，或者我哋會攞畢生所學嘅嘢出嚟All In，或者攞啲我哋唔識嘅嘢出嚟玩。」
至於歌單，佢兩個都話想做個與別不同嘅音樂會，所以可能會唱啲平時未必會喺度上唱嘅歌，亦可能會變成個Rock Rock地嘅Band Show，希望台下觀眾一切Have Fun，開心到十幾年後都回味喎！
此外，MC日前喺中環酒吧舉行新歌《百萬大道》神秘派對，以私人Party形式，邀請好友見證新歌誕生，想知現場情況，快啲睇片！
