【Viu】由古天樂、林峯、劉俊謙、胡子彤及張文傑等主演電影《九龍城寨之圍城》，港澳總票房已破1億港元，今日再傳喜訊，繼電影今年入圍康城影展「午夜單元」後，再入圍第二十八屆富川國際奇幻電影節（Bucheon International Fantastic Film Festival），成為今屆影展的閉幕電影，該片將於7月12日在當地舉行首映禮，導演鄭保瑞將親身出席紅地毯儀式。
為慶祝電影連連報捷，電影公司特地發放一條最新製作特輯《城寨四子篇》，包含四子與導演完成煞科戲，在魚排乾杯慶祝的彩蛋片段。當中四子講到拍攝時點樣互相扶持幫助，戲裡兄弟情延伸到戲外，合作愉快！而導演鄭保瑞就話本來就好想搵香港新一代演員合作，發覺四子嘅氣質都幾似漫畫中角色，當中林峯係個好選擇。佢又話因為龍捲風好愛惜後生仔，搵演員時佢直接就諗起古仔，古天樂就話：「我嘅角色係唔想佢哋去繼承呢個地方，而係守望相助去幫助城寨每個人嘅生活。」
