【MOBILE】又到暑假的外遊旺季，相信大家都會選擇於近期到海外旅行，泰國、日本、韓國及台灣更是首選的熱門地點。數據漫遊更是大家於出發前最頭痛的問題，今次就試用 GlocalMe Numen Air Pocket WiFi 於曼谷做一個實測，睇睇又幾好用！
現時市場上有多款國際漫遊數據供大家選擇，不過筆者向來只會推介網友選用不需要落地買卡的漫遊數據，因為價錢唔會特別平同要太浪費時間排隊買SIM卡。而今次筆者就改用 Pocket WiFi 出行，改用 Pocket WiFi 後可以同時間連接多個設備，只要購買適量的數據就可以比成家人用，相比起漫遊SIM更實際。
此外，今次使用的 GlocalMe Numen Air 是 GlocalMe 最新的產，機身重量只有194g，充滿電後可提供14小時左右的續航力，足夠一整天使用。而且 GlocalMe U50-GL 一次過可連接16個設備，機身上方更設有一個2.4吋的屏幕可顯示 WiFi 密碼及其他設定資訊。
