【裝修佬】原來風扇都有分工業用同家用？今集就等裝修妹話你知風扇有分幾多種啦！
首先講下落地扇，佢係最常見同較平的風扇種類。因為佢風量大，吹到的角度都比較廣闊，所以對室內通風換氣同降溫的效果都好明顯。畀多個Tips大家，扇葉大的風扇風量會較多，而且噪音都會比較低！
直立式風扇，都有人會叫佢做大廈扇，它的外型為直立柱狀，好睇之餘仲可以節省空間。但由於出風量較小，送風範圍都會受到限制。
無葉風扇無任何葉片，而出風口是中空的。無葉風扇透過下方的渦輪裝置吸入空氣，再由環型出風口送出風力，可以令到風力更加穩定之外，更有效減低摩打運作時產生的噪音。
對流風扇又可以叫做循環扇，嚴格黎講唔係風扇，因為佢主要係加強空氣對流，促進室內空氣循環。因為吹出的風更集中，所以會令房間內的空氣產生對流，能夠令空氣循環到每個角落，從而有效增加冷氣或暖氣的效能。
掛牆風扇需要安裝喺牆面上，唔洗佔用地面空間，適合空間面積有限的家居。用家可將掛牆風扇靠近冷氣機安裝，夏天配合冷氣機使用，有效降低房間溫度！
