【Now Sports】作為英格蘭球迷,「三獅軍團」最終加時擊敗斯洛伐克,晉級8強,應該會好似領隊修夫基咁,暗地裏自喜,球隊際遇係咁,「天命式」地闖過一關,會唔會踢到入決賽,下場對淘汰意大利嘅瑞士,「南閘」同大隊命運又會點樣行落去? 撰文:沙維斯達
今場波嘅結局,令筆者諗起側田首名曲《運》,冇比寧咸嘅倒掛入波,一切嘅成空,要知道倒掛金鈎化成士哥,除咗講球技外,好多時都需要啲運氣,今次掛入咗,守門員完全冇得救,只可以講係3成技術7分運氣。
正如《運》嘅歌詞中所講:「我相信際遇如一面鏡」,好多球迷用哭聲迎戰前面嘅路,但有時用笑代替,霉運才能撥正,修夫基係唔係算到咁盡,的確只有佢先知,好多人唔相信一個人運氣可以好到咁,依家事實擺喺眼前,波友們唔相信都唔得。
運可以行幾耐?冇人知,大概努力落去可以加多一啲運氣,但如果繼續墨守成規,幸運女神仲會唔會企喺佢身邊?
撰文:沙維斯達
從足球中搵下快樂同生活費