【Now Sports】「三獅軍團」最後1場分組賽,領隊修夫基睇到球隊問題,亦開始作出改變,但問題係「還望死水可淨化出綠茶?」
撰文:沙維斯達
呢句歌詞嚟自陳蕾首《沉沒成本》,英格蘭面對斯洛文尼亞和波,如願攞小組首名出線資格,只係表現仍一潭死水,「南閘」已詢眾要求出招了,干拿加拉加、高爾彭馬等佢認為可以變招嘅球員都派上場,可惜入球就冇了,換嚟完場後畀畀球迷掟空酒杯就有幾個。
做人要向前睇,「三獅軍團」出線後嘅淘汰賽對手,卻有可能係荷蘭,咁「橙色軍團」如果發揮得好,就唔使跌到小組第3名嚟爭出線,英格蘭諗起應該唔使太怕,但有時傳統強隊踢一場好波,就令到你收工。如果筆者係修夫基,最好都係諗掂隊波點樣先至清醒番!
撰文:沙維斯達
從足球中搵下快樂同生活費