薩卡（白衫）發揮仍然一般。
(©AFP)
【Now Sports】英格蘭第2場分組賽最終同丹麥踢成1:1，雖則以4分保持小組榜首位，但整支球隊發揮一般，已經令到唔少「三獅」鐵粉對領隊修夫基不滿。老實講，曾經領先故然帶球迷到「天國」，只係下半場表現係唔係達到醜惡地步，則屬見仁見智。
撰文：沙維斯達
修夫基的確意識到問題所在，所以呢場對丹麥下半場一口氣換咗整個攻擊組合，或者從未做過如此大膽調動，得出來效果只係一般，哈利簡尼、薩卡同霍頓經過漫長球季後，狀態真係回落得咁緊要？只可以講，「三獅軍團」冇想像中嘅活力，控球踢法直接影響運作速率？阿歷山大阿奴真合唔合適夥拍迪勤懷斯？好多疑問或者問題，慢慢浮現出嚟。
最後一場分組賽對斯洛文尼亞，調動係必需，墨守成規唔單止唔可以衝擊冠軍，更會引嚟外間更多不滿，令球隊面對無形壓力，最後只會惡性循環，絕對冇好處。突破係修夫基下場要找到嘅重點，但成唔成功，就要睇佢會唔會放手博一鋪。
撰文：沙維斯達
從足球中搵下快樂同生活費