意大利玩讓賽。
(©AFP)
【Now Sports】若果噚晚意大利對阿爾巴尼亞係一場意甲比賽，結果就好似由榜首隊打敗中下游球隊。
撰文： Malena（燕飛）
做意大利球迷抺一額汗係等閒事，今屆歐洲國家盃衛冕之旅就由一個錯誤開始，迪馬高犯下連中學生踢波都未必犯嘅錯，掟界外球畀人助攻對手射入，未夠1分鐘【編按：時間為23秒】就落後，玩讓賽咩！不過一場由10幾個意甲球員合演嘅比賽，結果都係優勝劣敗。一場意甲，戰果係由質素高嘅榜首隊反勝中下游球隊。
開心係見到意大利球員保護皮球同壓逼都做得唔錯，球員之間運球同傳波速度幾快，步頭爽朗。唔開心係拉唔開個比數，進攻窄窄哋，而兩球波都係中後場球員入，大家一直擔心前鋒唔夠勁係有原因嘅。對阿爾巴尼亞夠贏，之後對西班牙同克羅地亞或者係兩回事，繼續要驚餐死。
要讚費達歷高基艾沙，下半場有一次喺右邊推番去大位左腳射遠柱僅僅出界。佢肯定係中前場最有突破能力嗰一個，唔怪得當選比賽最佳球員，希望佢嘅入球好快出現。
撰文： Malena（燕飛）
現在我老了，人家才說「你很好」。
