英格蘭出發前友賽輸波，係時候醒醒！
(©AFP)
【Now Sports】英格蘭被視為今屆歐洲國家盃奪標大熱門，從人腳上睇，「三獅軍團」比起4年前陣容更完整，小將霍頓、薩卡經時間洗禮更趨成熟，仲有比寧咸呢位新紮攻擊中場，人才之多，連曼城英超冠軍成員的加利殊亦要讓位落選。
撰文：沙維斯達
因英格蘭傳媒報道量同消息流通度，香港「三獅軍團」球迷為數唔少，幾十年嚟如是，上屆歐國盃決賽功虧一簣輸畀意大利，本港三獅迷無心睡眠。今屆德國決賽周，領隊修夫基選人上大膽將加利殊、哈利麥佳亞等逐出，、唔少英軍球員同球迷對加利殊落選有異議，認為有佢喺大軍陣中，其「派對動物」特性可緩和大賽緊張氣氛。
友賽冰島主場負0:1，英格蘭從低位走入決賽周，面對嘅問題始終會有，喺同組遇上丹麥、斯洛文尼亞及塞爾維亞，修夫基要用幾快時間修正，真係好睇佢功力，呢場輸波仲要只得1次中龍射門，引起嘅wake-up call算係嚟得早。C組首場對住塞爾維亞，有咩決賽周比賽會易啃㗎，到時睇睇愛隊係唔係「醒醒，盡快清醒！」
撰文：沙維斯達
從足球中搵下快樂與生活費