【Now Sports】征戰2024巴黎奧運的香港帆船隊今日舉行記招,共有3名港隊帆手出征奧運,包括是男子ILCA7級單人帆船的貝俊龍,以及男子49人級組合阿輝/祥傑,而他們於席上分享目標及備戰情況。
貝俊龍(Nicholas Halliday)自8歲起由同是帆船運動員的媽媽親授心得,15歲就為港出戰。Nicholas去年12月在巴黎奧運亞洲及大洋洲區資格賽奪冠且獲奧運資格,他受訪時亦表達出首戰奧運的喜悅:「好開心實現到細個嘅夢想,之前喺東京奧運有試過爭取入奧,但唔成功,今次終於圓夢。」
Nicholas坦言希望卸下所有行裝、輕鬆地迎接人生首場奧運:「今次征奧無任何對手,自己就係最大對手,點樣調整好心態同思維會係我最難應付嘅敵人。今次無咩目標,只希望盡全力發揮。」
同樣是首次征奧的阿輝(Akira Sakai)與祥傑(Russell Aylsworth)則於上月趕上奧運「尾班車」,他倆由2018年開始合作,樂見彼此間有著很好的「化學作用」:「我哋有著共同目標同相似性格,對事情睇法又差唔多,所以可以合作得好好。」
二人異口同聲稱:「奧運對我哋嚟講只係一個普通嘅比賽,無壓力、盡全力就係我哋嘅目標。」