【Now Sports】喺英國,不論場內訓練同比賽、場外嘅日常生活都同香港不一樣。
撰文:陳頌文
依家嘅生活,除咗訓練同比賽,其餘時間同大部份人做嘅嘢差唔多,返下part time、放下狗,如果太攰嘅話可能就留喺屋企睇下Netflix,hea下咁就一日,而有時都會約朋友聚一聚。喺英國揸車去唔同城市好方便,所以有時都會揸車去唔同城市行下。
個人就唔太鍾意靜態活動,例如博物館、美術館呢啲地方都唔太適合我,比較喜歡去商場行下街,或者去啲地方可以睇下風景吖,投身大自然。
之前接受訪問,提過學校功課壓力唔大,事隔一年,依家學校嘅功課壓力比上年大咗小小,因為嚟緊準備考大學,所以希望可以攞高分啲,當然整體嚟講比起香港仲係冇咁大壓力,咁係因為冇考試。加埋之前喺香港,如果要考試嗰個星期可能岀席唔到訓練,要預留時間溫書。
講到返學時間,我依家大約1點放學,比較早,所以唔會話好趕住返屋企再去練波。喺香港嘅時候,通常一放學就要趕去球場練波,練完再返屋企就已經好夜,第二日又要早起身返學。比較之下,呢邊輕鬆好多同冇咁攰。
至於點樣平衡踢波同讀書?我會喺課堂時間盡量做份assignment, 咁返到屋企就有多啲時間休息,同準備練波。
撰文:陳頌文
曾效力曼城青年隊、史篤城預備組,今季由布力般流浪U21外借到夏利法斯(Halifax FC)
本欄不定期上載
相關文章:
【陳頌文隨筆】布力般Halifax訓練不同
https://sports.now.com/home/news/details?id=38894168433
【陳頌文隨筆】體驗與職業球員的差距
https://sports.now.com/home/news/details?id=38890100109