【Now Sports】香港殘疾運動員代表隊今日宣佈,獲日本服裝公司贊助未來4年的制服,一眾殘疾運動員代表均有出席記招。
輪椅劍擊運動員余翠怡、硬地滾球運動員梁育榮及何宛淇、殘疾人游泳運動員吳卓恩、殘疾人保齡球運動員張凱童、殘疾人草地滾球運動員郭永,以及殘疾人田徑運動員任國芬亦於席上,表達對獲贊助的感受。
新婚燕爾的何宛淇指出:「希望藉今次獲得嘅服裝贊助,可以得到社會上更多關注,而且期望未來有更多贊助支持我哋殘疾人運動發展。」
另外,她其後與梁育榮受訪時談及今年的巴黎殘奧:「我諗我哋今屆殘奧嘅資格應該肯定咗8成;阿榮今年就第6屆殘奧,我就第3屆,都係有兩項比賽出戰。如果你問我今屆殘奧嘅目標,我先唔去諗贏唔贏到牌先,因為咁樣先可以輕鬆啲去比賽,保持到放鬆嘅心情,先有更好表現,咁樣就更大機會有牌落袋。」二人亦表示在出戰殘奧前,先到兩個硬地滾球世界盃分站作賽,為巴黎殘奧最後準備。