港將再創佳績。
(HKSAPD)
【Now Sports】香港2023 World Boccia亞洲及大洋洲硬地滾球錦標賽周一（11日）上演團體賽及雙人賽決賽，港隊分別於混合BC4雙人賽及混合BC3雙人賽奪得銀牌和銅牌，連同較早前的個人賽，港隊整個賽事共贏得2金3銀2銅佳績。
在BC4級別雙人賽，港隊組合梁育榮和張沅上午以3:1擊敗泰國組合晉身決賽，可惜下午以3:5不敵中國組合奪得銀牌。大師兄梁育榮賽後表示對今次比賽表現感到滿意，「單打同雙打都攞到獎，雖然美中不足係雙打攞唔到金，唔能夠直接攞到入場券去巴黎殘奧，不過攞到銀牌都鎖定到可以去巴黎殘奧。」
至於張沅表示對於未能主場奪金感到遺憾，「我都有啲失望，單打只攞到第4，因為自己太過緊張，令到發揮唔理想 ; 雙打都有遺憾，不過都可以順利入到殘奧，都值得慶祝嘅。」
在BC3級別雙人賽，港隊組合謝德樺和何宛淇上午以2:5不敵澳洲組合轉戰銅牌賽，並於下午以4:3擊敗泰國組合奪得銅牌。
