愛華頓領隊林柏特將領軍倒戈面對車路士。
(©AFP)
【Now Sports】今季英超接近尾聲，曼城與利物浦的冠軍之爭猶如龍爭虎鬥未知鹿死誰手，至於護級形勢同樣仍存懸念。隨著護級份子般尼季尾冒起，愛華頓已深陷降班危機，周日主場迎戰車路士，雖有以逸待勞優勢，惟「拖肥糖」近期信心士氣低迷，欲乘虛而入卻難予人信心。
撰文：陳炳安｜Now足球評述員
近年被視為英超黑馬的愛華頓，經上周賽事後已淪落至倒數第3，縱使一代名將林柏特1月底走馬上任接掌帥印亦無補於事，成績未見起色。無可否認，拖肥糖自季初至今飽受傷兵問題困擾，當下包括卡法路雲、耶利美拿、安達高美斯、雲迪比、湯戴維斯、唐辛等仍在十字軍之列，兵源調動確實捉襟見肘，今夜縱有主場之利亦不宜高估。
車路士剛於周中作客與曼聯打成平手，惟整體發揮有板有眼，若非曼聯門將迪基亞有水準演出，以及臨門一腳稍欠運氣，理應全取3分。車路士近期臨近季尾成績未算理想，不過，球員整體信心鬥志未有滑落跡象，今仗只要保持戰意定可看高一線。
愛華頓VS車路士
Now TV 621台01/05 21:00直播
Now E 同步直播