只能說作為領隊的屆任期愈來愈短。
(©AFP)
【Now Sports】當蘇斯克查最終因為曼聯今周被屈福特痛擊，而萬眾期待地被落鑊之時，今季英超已經有六隊班主向球場戰術腦細開刀，炒魷之事還僅在短短的兩、三個月不斷出現，只能說作為領隊的屆任期愈來愈短。
撰文：沙維斯達
以往英超，基本上都會等到傳統的聖誕節左右或前夕，先至會作出人事變動，始終都要睇睇球隊當刻拿到甚麼成績，針對地部署下半季。今季現在只是11月中，天氣還未凍，已經有紐卡素、熱刺、屈福特、阿士東維拉、諾域治及曼聯班主先後向戰術腦細開刀，就知道這個工種有多難做。
你可以說份人工包埋，還有大筆賠償金到手，的確柴油生活不須太擔心，甚至像摩連奴一樣，單是食球會炒魷的賠償金已夠過世。不過，這個現象又是否健康？可能這就是連非人類物種也融不下的新世界標準。
況且現在操控球會的班主都開始識玩炒領隊這個遊戲，同新主帥簽約都不會有四、五年期，免得又要賠一大筆錢，兩年半、甚至三年的任期可以改變到多少？不是每個戰術腦細都是雲尼亞里可以短短3、4場比賽就立竿見影，強如哥迪奧拿及高普，都要五、六年時間先可以做到年年交到貨，更遑論再有神級的雲加、費格遜般同一隊教足十多年的光景。
戰術腦細都是打工仔，在東家被炒，自然有西家請，君不見甸史密夫被維拉炒魷後，轉頭就有諾域治請上任，證明戰術腦細有市場，只要不介意任期可能只有兩、三年時間。
撰文：沙維斯達
【睇通英超】，於每輪英超比賽前後與大家分享筆者的分析與總結。