法迪復出即入波 巴塞3：0獲「利」

【Now Sports】巴塞隆拿今戰有法迪復出，結果這名小將不負眾望，為主隊取得入球，帶領巴塞主場3:0擊敗利雲特，全取3分。

周日巴塞隆拿對利雲特的西甲賽事，主場出戰的巴塞排出4-3-3陣式，前線派出迪比、盧克迪莊和古天奴，新任巴塞10號仔法迪受傷10個月後復出，先列後備。巴塞一開波即取得好開始，先是迪比於禁區被拉度亞侵犯，球證直指12碼，迪比親自操刀中鵠，巴塞6分鐘領先1:0。14分鐘盧克迪莊中路接應達斯治直線埋門，皮球直飛左下角破網，早段巴塞已有兩球優勢。碧基及中場加維隨後均有埋門機會，但欠臨門一腳，巴塞半場領先2:0返回更衣室。

下半場繼續是主隊巴塞的天下，單是迪比已有多次起腳機會，但一一被利雲特門將艾度費蘭迪斯撲救成功，否則巴塞應可擴大領先優勢。千呼萬喚的法迪於81分鐘入替克盧克迪莊，正式復出，雖然84分鐘左路禁區埋門被擋出，但戰至補時2分鐘，法迪禁區頂右腳施射得手，以入球慶祝自己復出，最終巴塞主場3:0贏波，全取3分。