【Now Sports】睇完意大利場波,開心入睡,喺夢入面都發到愛隊踢波。我識嘅意大利文唔多,想向文仙尼講聲grazie(多謝)。
呢晚一路睇波一路收到同樣捱夜睇波朋友嘅口訊:「意大利好勁揪!」、「唔悶喎」、「原來你隊波咁堅!」係呀,好耐冇睇見意大利踢得咁精彩。想多謝型佬教練文仙尼,將隊波提升到好高嘅水平,隊波冇球星、冇重心仲好,最鍾意就係成隊人努力逼搶,搞到土耳其上半場0埋門,呵呵!
我講過今屆最欣賞恩薛尼,開心見佢埋齋,同樣欣賞係老將基亞連尼,全場走上走落,同邦奴治輪流助攻,添加入球瓣數,臨完場見佢老人家努力阻止尤馬斯射門,有拚勁,熱血真漢子。
冠軍相?睇定啲。希望球員唔好飄飄然,好心急想睇下一場對瑞士。
撰文:Malena(燕飛)
現在我老了,人家才說「你很好」。
相關文章:
【意大利熱血球迷】忘記帥哥兵團
https://sports.now.com/revamp/euro2020/web/news_detail.jsp?id=33661851908