【Now Sports】在香港談花式足球，若不識施寶盛，好打有限。這位本港花式足球首屈一指的名將，原來也從小就觀賞歐洲國家盃，尤其是在西班牙的球賽中學法。
「最初睇歐洲國家盃係2008年，嗰陣時剛接觸花式足球，最好嘅方法，就係成日睇影片同比賽，模仿球星嘅技術。我諗好多西班牙隊嘅比賽，都可以成為教材。」曾在歐洲多國修行，熟悉歐洲波嘅施寶盛，直認是狂牛擁躉。
「過去自己一直都係西班牙球迷，慶幸睇到佢哋連奪兩屆歐洲國家盃冠軍，尤其係2012年時喺酒吧睇直播，決賽大勝意大利（4:0）尤其深刻。」（那麼今屆都睇好狂牛奪冠？）「當然！」
受到疫情影響，今屆賽事氣氛略遜以往。「因為疫情關係，以往歐洲國家盃忙碌嘅活動同工作大減，而且一大班球迷去到酒吧支持自己球隊比賽嘅場面可能都唔復見。」他續謂：「雖然氣氛大減，但能夠同自己最愛嘅太太留喺家中睇直播賽事，都係非常幸福。」
【下次預告：Miss Wong返嚟啦！數年前曾在Now Sports撰寫《睇英超學英文》嘅Kate，最難忘王子費蘭度托利斯入波捧盃。】
相關文章：
【我們都是這樣睇EURO】作家余家強：佛系捱夜
https://sports.now.com/home/news/details?id=33530055696
【我們都是這樣睇EURO】出版編輯愛「德」徹底
https://sports.now.com/home/news/details?id=33483629525
【我們都是這樣睇EURO】居澳華裔球證難忘夾意軍出局
https://sports.now.com/home/news/details?id=33418874618
【我們都是這樣睇EURO】
我們都是這樣長大的，都是這樣睇足球。歐洲國家盃大概是世界盃以外最受注目的足球國際賽，球迷當有睇EURO的難忘片段及對今屆賽事的期盼，【我們都是這樣睇EURO】內的，可會與看官的心思意念相同？
