【Now Sports】隨著富力R&F散班，四散的球員開始陸續傳出有班落的好消息，但23歲後防通天老倌徐宏傑仍未有去向。
徐宏傑說，「大家都知富力R&F解散咗，而家自己同球會傾緊有關解約嘅嘢，例如賠償等，可能要等雙方傾掂再去搵新球會。」
效力中甲球隊梅州客家兩季後，傑仔在停擺期間與中堅梁諾恆交換東家，加盟富力R&F，結果1場都未踢過就散班，談到尋找新球會方向時，傑仔說，「自己其實想北上試下，但呢個時候上面轉會窗關咗，所以暫時會喺香港落班先，再等待其他機會。」
對上一次正式比賽已是去年東亞盃決賽周賽事，差不多1年沒有比賽，傑仔坦言影響狀態，「老實講影響一定有，因為始終成年冇比賽，比賽狀態相對上比較陌生，希望及早搞掂解約嘅嘢，盡快搵新球會然後踢比賽。」