【Now Sports】球員占士洛迪古斯上季尾已經一直傳出會離開皇家馬德里， 最終香港時間周二凌晨，皇馬宣佈J洛將轉會去到愛華頓，第三度跟安察洛堤合作。簽咗一份兩年嘅合約，據悉轉會費為2000萬英鎊。
撰文：步大力熊
傳聞交易一早傾完，而愛華頓遲遲未宣佈係因為佢哋估計占士洛迪古斯（James Rodrigues）轉會係一件非常受關注嘅事，特別係美洲地區，佢地想畀J洛一個盛大嘅歡迎活動。正式宣佈之後，除咗利物浦市周圍，哥倫比亞首都波哥大、邁阿密同紐約時代廣場都有歡迎J洛去愛華頓嘅大型海報。而剛剛J洛亦第一次同安帥一齊出席記者會，J洛都有提及安帥係一個明白佢嘅領隊。期待安帥可以令J洛呢個2014年世界盃金童再復活！
而有趣嘅係，今日香港時間星期四有幾間媒體爆料話Transfermarket指皇馬其實無收轉會費，J洛係免費去愛華頓，而皇馬會喺愛華頓出售J洛時，先收番某個百分比嘅錢。到底有無轉會費？皇馬會長佩雷斯會唔會做蝕本生意，定係純粹畀面安帥，所以先有咁嘅安排？
撰文：步大力熊
要做一個理性球迷？不了，成為球迷本身就是一件不理性而且瘋狂的事。
本欄逢周二及周四上載
周二 歪花
周四 步大力熊/泰萊
email：ballthirteen@hotmail.com
歡迎瀏覽球十三fb專頁若得到波友一個like就是我們團隊的一大鼓舞：
www.facebook.com/ballthirteen