【Now Sports】德甲係疫情後最早(15/5)重開嘅聯賽,餓波嘅球迷就算唔係德甲球迷都有睇下,而拜仁用咗1個月時間再次奪得冠軍。4大聯賽,德甲冠軍為拜仁,英超冠軍相信無懸念,只剩返意甲祖記同拉素,及西甲雙雄之爭。
撰文:步大力熊
到底皇馬追唔追到巴塞?
數字上當然係有機會,但實際上唔係太樂觀。
◎皇馬奪冠取決於巴塞有否失分
巴塞暫時以64分排西甲榜首,而皇馬以59分(踢少1場)排第2。理論上。巴塞只要餘下9場全勝,皇馬即使一樣全勝都只會無功而還。等人失分同等運到一樣,未必等到。皇馬次循環雖然係贏咗巴塞2:0成為榜首,但冇好好保持優勢,依家只可以怪自己。
◎美斯復賽後回春,皇馬傷兵困擾
美斯佢剃晒鬚後生咗,場內有活力,復賽後兩場入兩球。疫情好似無影響美斯一樣。而皇馬方面,復操後約域、馬里安奴、拿祖費蘭迪斯、華斯基斯及伊斯高相繼受傷,而加利夫巴爾、夏沙特同埋卡華查踢咗大半場之後都因為肌肉痛而要換出,或之後要缺席訓練,情況令球迷擔心。
雖然皇馬奪冠唔太樂觀,不過施丹係一位有實力又幸運嘅領隊,而巴塞仲要對西維爾同馬體會,今季西甲冠軍到底鹿死誰手?可能要鬥到最後一場先有結果。
撰文:步大力熊
要做一個理性球迷?不了,成為球迷本身就是一件不理性而且瘋狂的事。
本欄逢周二及周四上載
周二 歪花
周四 步大力熊/泰萊
email:ballthirteen@hotmail.com
歡迎瀏覽球十三fb專頁若得到波友一個like就是我們團隊的一大鼓舞:
www.facebook.com/ballthirteen