大迫勇也梅開二度。
(©AFP)
【now.com體育】今屆亞洲盃奪標大熱日本，周三於F組首度登場鬥土庫曼，雖然半場落後1球，但下半場連轟3球反勝3:2，旗開得勝。
日本排出4-5-1陣式，單箭頭為大迫勇也，堂安律、南野拓實在兩翼支援，中場3子為柴崎岳、原口元氣、富安健洋；當中堂安律、富安健洋（Takehiro Tomiyasu）同樣打破了前輩小野伸二的亞洲盃最年輕上陣紀錄，後者以20歲2個月零4日成為最新紀錄保持者。
強陣出擊，日本在開賽初段係威係勢，中場柴崎岳、翼鋒堂安律先後頭頂腳踢攻門，但一一無功而回，反而於26分鐘被土庫曼中場阿曼路爾在左路轟入遠程炮，半場落後0:1。
日本在下半場加強攻勢，終於在56分鐘由原口元氣左路傳中，大迫勇也轉身抽入，追成1:1。4分鐘後，左閘長友佑都在左路底線乘門將出迎傳中，大迫勇也面對空門輕鬆撞入，梅開二度之餘，更助日本反超前。得勢不饒人，2名首戰亞洲盃的球員炮製第3個入球，南野拓實傳予堂安律建功，日本領先至3:1。
土庫曼未有放棄，於79分鐘由中場安拿奧拉蘇博得門將權田修一犯規，球證直指12碼，中場阿迪耶操刀得手，追成2:3完場。日本下場將鬥阿曼，土庫曼則面對烏茲別克。