山神後備入替交出助攻。
(©AFP)
【now.com體育】曼聯在周三英超快車作客紐卡素，領隊蘇斯克斯在下半場換入盧卡古、阿歷斯山齊士後僅38秒就打破缺口，終以2:0取得4連勝。
曼聯有隊長右閘路爾斯華倫西亞復任正選，攻中桑馬達取代了連格，跟保羅普巴（Paul Pogba）、安東尼馬迪爾支援箭頭拉舒福特，射手盧卡古、翼鋒阿歷斯山齊士先列後備。紐卡素排出5後衛陣式，由杜密特、法比安舒哈、拿修斯合組3中堅，荷西朗頓掛帥。
曼聯於15分鐘差點失守，前鋒艾約斯佩雷斯半鏟半傳，眼看荷西朗頓呈單刀之勢，中堅菲爾鍾斯及時化解危機。10分鐘後，中堅域陀連迪路夫長傳，門將杜巴夫卡快拉舒福特一步用腳解圍。雙方互無紀錄進入更衣室。
戰至63分鐘，蘇斯克查一口氣換入盧卡古及山神；調動後僅38秒，拉舒福特主射罰球，杜巴夫卡撲出不遠，盧卡古成功執雞，曼聯打破缺口。80分鐘，山神在禁區邊控球十分有耐性，等到拉舒福特走得靚位再交出助攻予後者射入，紅魔終以2:0擊敗紐卡素，蘇B成為曼聯史上繼1946年的畢樹比後，唯一一位領軍首4場全勝的領隊。
至於屈福特作客鬥般尼茅夫一役上演入球騷，半場已踢成3:3，這亦是最終比數。